Ўзбекистоннинг Исроилдаги элчиси ўз миссиясини якунламоқда

Ўзбекистон элчиси Феруза Маҳмудова Исроил ташқи ишлар вазири Эли Коэн билан учрашди, деб хабар бермоқда «Дунё» АА мухбири.

Унда Ўзбекистон-Исроил ҳамкорлигининг жорий кун тартиби муҳокама қилинди.  Вазир Эли Коэн Исроил томони Ўзбекистон билан фаол ривожланиб бораётган ҳамкорликни юксак қадрлашини таъкидлади.

Мулқот якунида, Эли Коэн Феруза Маҳмудовага Ўзбекистоннинг Исроилдаги элчиси лавозимида амалга оширган юксак фаолияти учун миннатдорлик билдириб, келгусидаги дипломатик фаолиятида муваффақиятлар тилади.