Исроил компанияларининг коммунал хизматлар бўйича тажрибаси тақдим этилди

ТEЛЬ-АВИВ, 17 декабрь. /«Дунё» АА/. Ўзбекистон элчихонаси томонидан мамлакатимизнинг Уй-жой коммунал хизмат кўрсатиш вазирлиги вакиллари учун «MAYA International Holistic Solutions Ltd.» ва «Fluence Corporation» Исроил компаниялари  имкониятларининг онлайн-тақдимоти ташкил этилди, деб хабар бермоқда «Дунё» АА мухбири.

Онлайн-тадбирда, шунингдек, республикамизнинг қатор минтақалари уй-жой коммунал хўжалиги мутахассислари ва Исроилнинг Ўзбекистондаги элчиси Зехавит Бен Хиллел иштирок этди.

«MAYA International Holistic Solutions Ltd.» ва «Fluence Corporation» кампаниялари ер ости сув ва газ қувурларини қайта тиклаш, сув ва чиқинди сувларини тез ва марказсиз тозалашни ташкил этишга ихтисослашган.

Мулоқот давомида компаниялар вакиллари сув ва чиқинди сувларини тозалаш, сувни қайта ишлатиш учун фойдаланадиган технологиялар ҳақида маълумот берди.

Тадбир якунида томонлар ўзаро мулоқотни давом эттириш тўғрисида келишувга эришди.